Ξღ سمعتي قصة خطبة او زواج غريبة؟؟ تعالي ღΞ

*
اقولكم اول قصة

*

*

وحدة من البنات قالت قصة حصلت لها

انها كانت قاعدة بكافيه في احد المجمعات التجارية بالكويت...مع اختها الكبيرة المتزوجة
وتقووول البنت انهم قاعدين يسولفووون مع بعض...ولفت نظرهم 4 شياب انتبهوا مو شباب
فيهم بالخمسينات والستينات...حتى واحد وياه عصى يتسند عليها لما يمشي
وطايحييين له خزززز بالبنات...!!!!
لدرجة انهم غيروا مكانهم عشان يجابلون البنتين
والبنات مستغربييين منهم...نادت الاخت الكبيرة النادلة >>>>اشرايكم ..حلوة النادلة؟؟؟
وطلبت الحساب...والا قام واحد فيهم..وقال للبنت الصغيرة ممكن اعرف اسم ابووج ...!!!!
انصدمت البنت منه...جان ترد عليه الكبيرة قالت نعم آآآمر..قال والله يا بنيتي انا ولدي يدرس براااااا الكويت
وبيرجع بعد اسبوعين...ويبيني ادور له عروس
وانا زوجتي متوفيه...وبنات عايلتنا اغلبهم متزوجات و........بس ابي اسم ابوج..ورقمه

استغربوا البنات..وعطوه الاسم...والغريبه انه الريال صج اتصل على الابو يخطب البنت لولده

بس ماتوافقوا لانه المذاهب مختلفة

القصة الثانية

*

*

طالبة بجامعة الكويت شبههوا البنات بطالبة ثانية معاهم بالكلية
تشوقت البنت تشوووف شبيهتها...وقالت لهم الا توروني اياهااااااا
وفعلا راحوا للكافتيريا...وقالولها نطري ليمن نشوفها
ودشت شبيهتها واهي ماتدري عنها
المهم شافتها اكثر من مرة بالكلية
واعجبتها البنت... وهدوءها...واخلاقها
وفكرت تخطبها لاخوها اللي يدور له مرة...وقالت لامها عن البنت
وراحت معاها امها للكلية وشافت البنت...وفعلا عجبتها...وحتى الاخو شافها (توه متخرج من الجامعة)
>>>>ترى كل هذا والبنت الثانية ماتدري
بس صديقاتها قالولها مرة شفنا بنات يطالعونج وانتي مو منتبهه

وبعد فترة تعرفت عليها البنت...وخذت عنوانهم وخطبوها...والاهل وافقوا عليهم

يعني سبب الخطبة الشبه

القصة الثالثة

*

*

وحده خطبها واحد اكثر من مرة وكانت ترفضضضضه
وخطبها ثاني وتزوجته...وبعد فترة مو طويلة طلقها...اكتشفت انه عنده خرابيط وكان متزوج واهله مايدرون عنه
((متزوج ايام دراسته برا))
طبعا غير معاملته الشينه لها

وعقب ماتطلقت..رد خطبها الريال الاول
ووافقت عليه وتزوجته وعاشت معاه بسلاااام

>>> ما كان من الاول وافقتي عليه...بس هذا النصيب ومايسوي

في فترة الانتخابات

بنتين يصيروون لبعض(بنات عم)
رايحين مقرات انتخابية ((مو بدائرتهم))
ومرة كبيرة شافت وحده منهم..وعجبتها وسألتها عن اهلها...وسألوا عنهم وعن اخلاق البنت
و.........اخطبتها لولدها...

يعني الانتخابات اهي السبب

فيه وحده مدرسة
راحت لجامعة الكويت تسجل اختها المتخرجة من الثانوية
واهي بالجامعة وقفها واحد...يسألها عن مكان التسجيل
وقالت له انا رايحه هناك ....وراح معاها للقسم

وقعدت اهي تسويله اوراق اخته مع اختها...البنت جمالها اقل من الوسط لكنها طيووووبة وحبووبة ومحترمة...
الريال انعجب فيها...و...عرف اسم اختها من الاوراق وباقي المعلومات
للمعلومية اهي حضرية واهو بدوي

وطلع عنوانها ...ورقم بيتهم من الاسم....وخطبها
وتزوجها